बेलौरी, कञ्चनपुर, असोज २९। ७० औं प्रहरी दिवसको अवसर पारेर इलाका प्रहरी कार्यालय (APO), बेलौरीले आज प्रहरी निरीक्षक तथा कार्यालय प्रमुख भास्कर चन्दको नेतृत्वमा बेलौरी नगरपालिका ६ स्थित श्री त्रिपुरा सुन्दरी मन्दिर परिसरमा सरसफाई गरेको छ ।

प्रहरीको सक्रियतामा भएको उक्त सरसफाई कार्यक्रममा  ‘Gen Z बेलौरी तथा समर्थक समूह’ का युवाहरूको समेत सहभागिता रहेको थियो । कार्यक्रममा सहभागी ‘Gen Z बेलौरी’ का सदस्य लक्ष्मण सिंह दियालले प्रहरीले आयोजना गरेको सामाजिक कार्यमा युवाहरूलाई सहभागी गराएकोमा प्रमुख चन्द तथा इलाका प्रहरी कार्यालय बेलौरी परिवारलाई धन्यवाद ज्ञापन गर्नुभयो ।