कञ्चनपुर, ७ कात्तिक ।
राष्ट्रिय स्वतन्त्र पार्टीका सभापति रवि लामिछाने तीनदिने भारत भ्रमणका क्रममा सुदूरपश्चिम प्रदेशको प्रमुख नाका धनगढी हुँदै प्रस्थान गर्ने भएका छन्। उनको यो भ्रमण पूर्ण रूपमा निजी तथा पारिवारिक तीर्थाटन रहेको बताइएको छ।
सभापति लामिछानेको सचिवालयबाट प्राप्त जानकारी अनुसार उनी कात्तिक ६ गतेदेखि तीन दिनका लागि भारत भ्रमणमा निस्किएका हुन्। धार्मिक तथा आध्यात्मिक प्रकृतिको यस भ्रमणका क्रममा उनले भारतको उत्तराखण्डस्थित प्रसिद्ध धार्मिक स्थल कैँची धाम र असमस्थित कामाख्या मन्दिरको दर्शन गर्ने कार्यक्रम तय गरिएको छ।
उनी सुदूरपश्चिमको धनगढी नाका हुँदै भारत प्रवेश गर्ने र त्यहाँबाट उत्तराखण्डको नैनीतालस्थित कैँची धाम तथा त्यसपछि असमको कामाख्या मन्दिरतर्फ यात्रा गर्ने छन्। पारिवारिक सहभागिता रहने यस भ्रमणलाई व्यक्तिगत र धार्मिक यात्राको रूपमा लिइएको सचिवालयले स्पष्ट पारेको छ।
तीन दिनको यो धार्मिक तीर्थाटन सम्पन्न गरी सभापति लामिछाने निर्धारित समयमै स्वदेश फर्कने कार्यक्रम रहेको छ।
प्रतिक्रिया
सम्बन्धित खवर
