कञ्चनपुर । सञ्चारमाध्यमभित्रै प्रवेश गरी पत्रकारलाई पक्राउ गरिएको विवादास्पद घटनापछि सत्तारूढ राष्ट्रिय स्वतन्त्र पार्टी (रास्वपा) ले विकसित परिस्थितिबारे छलफल गर्न सचिवालय बैठक बोलाएको छ।
सभापति रवि लामिछानेको आह्वानमा आज शनिबार बिहान ११ बजे बस्ने गरी उक्त बैठक तय भएको हो। बैठकमा पछिल्लो समय मिडिया हाउसभित्रै प्रवेश गरेर पत्रकारलाई नियन्त्रणमा लिएको घटनाले उब्जाएको चौतर्फी आलोचना र पार्टीको आगामी कदमबारे गम्भीर छलफल हुने बताइएको छ। नागरिक तथा सञ्चार जगत्बाट सरकारको कार्यशैली र प्रेस स्वतन्त्रता हननको विषयमा गम्भीर प्रश्न उठिरहेका बेला सत्ता साझेदार दल रास्वपाले आफ्नो आधिकारिक धारणा तय गर्न यो आकस्मिक बैठक आयोजना गरेको बुझिएको छ।
यस प्रकरणले सुशासन र लोकतान्त्रिक मूल्यमान्यतामाथि नै प्रश्नचिह्न खडा गरेको अवस्थामा, आजको बैठकबाट रास्वपाले प्रेस स्वतन्त्रता र नागरिक अधिकारको रक्षाका सन्दर्भमा कस्तो निष्कर्ष निकाल्छ भन्ने विषयलाई आम जनमानसले निकै चासोका साथ हेरेका छन्।
प्रतिक्रिया
सम्बन्धित खवर
